02022012 kamalia

کمالیہ اپنا پیرمحل ڈاٹ کام
ملک میں جتنی بھی سیاسی پارٹیاں ہیں انہوں نے ملک کو تباہ کیا ہے ان جماعتوں میں رہ کر ہم کچھ نہیں کرسکتے اگرآپ نے کچھ کرنا ہے تو ان سے علیحدگی ہونی چاہیے ہم اپنی پارٹی کو کسی دوسری پارٹی میں ضم نہیں کریں گے ان خیالات کا اظہار پاکستان نیشنل مسلم لیگ کے چئیرمین چوہدری امجد علی وڑائچ نے کمالیہ میں اپنے انتخابی دفتر کے افتتاح کے موقع پر کیا انہوں نے مزید کہا کہ ہم چار سال تک گوجرہ کے تحصیل ناظم رہے اور ایک پائی کی بھی کرپشن نہیں ہونے دی بلکہ ترقیاتی کام کروا کر گوجرہ کو ماڈل تحصیل کا درجہ دلوایا ۔انتخابی کیمپ کے بعد چوہدری امجد علی وڑائچ نے پریس کانفرنس کرتے ہوئے صحافیوں کو بتایا کہ 27مارچ کو ہم پاکستان نیشنل مسلم لیگ کے پلیٹ فارم سے دھوبی گھاٹ فیصل آباد میں ایک جلسہ منعقد کررہے ہیں اور اگر اس جلسہ میں عمران خان اور نواز شریف کے جلسوں سے زیادہ عوام اکٹھی ہوجائے تو سمجھ لینا کہ ہماری کوئی جماعت ہے اور اگر ہمارے جلسے میں عوام کی کثیر تعداد موجود نہ ہوئی تو ہماری کوئی پارٹی نہیں ہے ۔چوہدری امجد علی وڑائچ نے مزید کہا کہ میں اپنی پارٹی کا ہر سیاستدان کو ٹکٹ دینے کے لیے تیار ہوں لیکن میری پارٹی کا جو امیدوار ہوگا اسے میرے ساتھ کھڑے ہوکر عوام کے سامنے حلف دینا ہوگا کہ وہ کرپشن نہیں کرے گا اور ملک پاکستان کی ترقی کے لیے دن رات کوشاں رہے گا تاکہ ہم ترقی یافتہ ممالک کے ساتھ چل سکیں او ر ان کی آنکھ میں آنکھ ڈال کر بات کرسکیں کسی بھی ادارے میں ہر منٹ بعد تبدیلی لائی جاسکتی ہے شرط صرف اتنی ہے کہ حکمران کرپٹ اور نااہل نہ ہوں ۔اس موقع پر شیخ یونس ،محمد اشرف غفاری ،شوکت منہاس،نصیر بھٹی اور المکہ مدینہ ویلفئیر سوسائٹی کے سینکڑوں کارکنوں نے پاکستان نیشنل مسلم لیگ میں شمولیت کا اعلان کیا ۔