پیرمحل اپناپیرمحل ڈاٹ کام
پیرمحل گردونواح میں درجن بھر بنیادی مرکز صحت اور رورل ہیلتھ سنٹروں میں ادویات نایاب ،،عملہ کا غائب رہنا معمول بن گیا ،، دیہی علاقوں کے غریب بے بس لوگ بنیادی ضرویات صحت سے محروم ، تفصیل کے مطابق پیرمحل نان تحصیل ہیڈ کوارٹر ہسپتال کے علاوہ علاقہ بھر میں درجن سے زائد بنیادی ہیلتھ یونٹ اور رورل ہیلتھ سنٹرقائم ہیں جن کی بلڈنگ پر کروڑوں روپے خرچ کر کے عوام کو صحت کی سہولتیں فراہم کرنے کی سنہرے خواب متعارف کروائے جا رہے ہیں جو حقیقت کے بلکل بر عکس ہیں اصل میں ہسپتالوں میں عملہ سرکاری رجسٹروں میں تعینات ہیں جو کہ صرف حاضری کی حد تک محدود اور فرضی مریضوں کے نام ڈال کر ادویات سمیت ہسپتالوں سے غائب ہیں خاص طور پر دیہی علاقوں کے بنیادی ہیلتھ یونٹ میں تعینات ڈاکٹر ز اور ڈسپنسر لیڈی ہیلتھ وزٹر نے اپنے پرائیویٹ کلینک بنا کر پریکٹس کرنے میں دن رات مصروف ہیں جب کہ غریب نادار بے بس طبقہ ضرویات بنیادی صحت کے ہسپتالوں سے مستفید ہونے کی بجائے مزید پریشانیوں مبتلا ہو کر شہر وں کے بڑے بڑے ہسپتالوں کا رخ کرنے پر مجبور ہیں درجن سے زائد بنیادی مرکز صحت اور رورل ہیلتھ سنٹروں میں کئی کئی ماہ سے ادویات جاری نہ ہونے کی وجہ سے مزکورہ سنٹروں پر بے چینی پھیل چکی ہے اب حالات اس قدر گمبیر ہو چکے ہیں کہ ہسپتالوں میں ڈسپرین ،پیراسٹیامول اور کاٹن ، پٹیاں، پاﺅڈین، کھانسی کا شربت اور سرنجوں سمیت کوئی بھی اشیاءضروریات تک نایاب ہو چکی ہیں حیرت انگیز انکشاف ہے سرکاری ہسپتالوں کی چیزیں اور ادویات ہسپتالوں میں تعینات ڈاکٹروں ،ڈسپنروں اور لیڈی ہیلتھ وزٹرز کے پرائیویٹ کلینکوں پر سرعام استعمال ہو رہی ہیں جب کہ ان کو پوچھنے والا کوئی نہ ہے اور رہی سہی کسر ہسپتالوں تعینات نائب قاصد چوکیداروں نے بلڈنگز کے اندر اپنی بھینس بکریوں کے باڑے بنا کر ہسپتالوں کا حلیہ بگاڑ دیا ہے اسی طرح پیرمحل کا نان تحصیل ہیڈ کوارٹر ہسپتال کی رہائشی کالونی ایک ویران جنگلات کا منظر پیش کر رہی ہے شہری حلقوں نے متعدد بار اپنے اپنے ہسپتالوں کی اعلیٰ احکام کو درخواستیں بھی گزاریں مگر آج تک کوئی بھی مسیحا مسائل کو حل نہ کر سکا شہری حلقوں نے ،،خبریں ،، کی وساطت سے ڈی سی او ٹوبہ ٹیک سنگھ ،کمشنر فیصل آباد ،سیکرٹری ہیلتھ ،چیف سیکرٹری ،وزیراعلیٰ پنجاب سے فوری نوٹس لینے کا مطالبہ کرتے ہوئے ادویات کی فراہمی اور غیر ذمہ دار عملہ کے خلاف فوری کاروائی کا مطالبہ کیا ہے ،،

پیرمحل اپناپیرمحل ڈاٹ کام
تھانہ پیرمحل پولیس نے سجاد احمد سکنہ موضع واہگی اڈا کو بوگس چیک دینے پر مسمی ناصر عباس کے خلاف جعل سازی کا مقدمہ درج کرتے ہوئے کاروائی شروع کر دی ،،